މި ޒަމާނުގެ ފާހަގަކޮށްލެވޭ އެންމެ ބޮޑު އެއް ޙަދީޘު ޢިލްމުވެރިޔާ ޢައްލާމާ އަބޫ އިސްޙާޤުލް ޙުވައިނީ، 17 ރަމަޟާން 1446ވީ ހޯމަދުވަހުގެ ރޭގެ ވަގުތެއް ގައި އަވަހާރަވެއްޖެއެވެ.
މި އަހަރުގެ ރަމަޟާންމަސް ފެށުނު ތަނާ އާލާސްކަންފުޅުގެ ސަބަބުން ހަސްފަތާލުގައި އެނދުމަތިކުރެވުނެވެ.
މުސްކުޅި ބަލީގައި ޝެއިޚް އަބޫ އިސްޙާޤު އަވަހާރަވީ އިރު ޢުމުރުފުޅަކީ 68 އަހަރެވެ.
އައްޝައިޚް އަބޫ އިސްޙާޤުލްޙުވައިނީ އުފަންވެ ވަޑައިގެންނެވީ މީލާދީ ސަނަތުން 1956 ވަަނަ އަހަރު މިޞްރުގެ ހުވައީން ކިޔާ ސަހަރަށެވެ.
އިސްލާމީ ތަޢުލީމުގެ ތެރެއަށް ވަދެ ވަޑައިގެންނެވީ 1975 ގައެވެ.
ޝެއިޚް އަލްޙުވައިނީގެ އުސްތާޛުންގެ ތެރޭގައި އައްޝައިޚް މުޙައްމަދު ނަޖީބު އަލްމުޠީޢީ އާއި އައްޝައިޚް ޢަބްދުލް ޙަމީދު އަލްމިޝްކު ފާހަގަކޮށްލެވެއެވެ.
އޭގެ އިތުރުން އައްޝައިޚް އަލްބާނީ އާއި އިބްން ބާޒާ އާއި އިބްނުލް ޢުޘައިމީން (رحمهم الله) ފަދަ ފަހުގެ ބޮޑެތި ޢިލްމުވެރިންނާާ ބައްދަލުވެ ަޑައިގެންނެވިއެވެ.
އައްޝައިޚް އަބޫ އިސްޙާޤުލްޙުވައިނީ ގެ އަސްލު ނަންފުޅަކީ ޙަޖާޒީ ބުން މުޙައްމަދު ބުން ޔޫސުފް ބުން ޝަރީފު އަލްޙުވައިނީ އަލް މިޞްރީއެވެ.
މާތްﷲ، ސުވަރުގޭގެ އެންމެ މަތިވެރި ދަރަޖައިގެ އަހުލުވެރިންގެ ތެރޭގައި ޝައިޚް ލައްވާށި. އާމީން